Шефот на Вагнер: Го освоивме источен Бахмут

Зеленски, пак, предупреди дека доколку падне овој град, тоа би значело и отворен пат за руските трупи да заземат и други градови

Шефот на паравоената група Вагнер, Јевгениј Пригожин, утрово објави дека негова група го освоиле источниот дел од градот Бахмут за кој изминатите денови се водат едни од најтешките битки.

„Единиците на Вагнер ја презедоа контролата над источниотцдел на Бахмут. Се што е источно од реката е под целосна контрола на Вагнер“,

вели Пригожин во снимка објавена на Телеграм.

Пред два дена, пак, тој предупреди дека неговата паравојска ќе се повлече ако Москва не им ја испорача ветената муниција. Ако Вагнер се повлече, рече тој, ќе се загрозат позициите на руската војска односно ќе се урне целиот фронт.

Во врска со Бахмут, украинскиот претседател Володимир Зеленски во интервју за „Си-ен-ен“ вчера предупреди дека доколку падне овој град, тоа би значело и отворен пат за руските трупи да заземат и други градови.