Полицијата, која за нападот била известена синоќа околу 21 часот, вели дека нема индиции дека напаѓачот е во бегство и додаде дека на местото на настанот пронашла безживотно лице за кое се верува дека е напаѓачот
Седум лица загинаа, а 25 се повредени, од кои некои потешко, во синоќешниот напад на храм на Јеховини сведоци во северниот германски град Хамбург, соопшти германската полиција, пренесе „Гардијан“.
Полицијата, која за нападот била известена синоќа околу 21 часот, вели дека нема индиции дека напаѓачот е во бегство и додаде дека на местото на настанот пронашла безживотно лице за кое се верува дека е напаѓачот.
„Немаме индиции за сторител во бегство. Истражителите имаат индиции дека сторителот можеби е меѓу загинатите“,
рече портпаролот на полицијата.
Во моментов нема веродостојни информации за мотивот на злосторството, соопшти полицијата во Хамбург и апелира да не се споделуваат непотврдени информации и шпекулации во врска со нападот.
Полицијата синоќа ги предупреди граѓаните на опасност во областа препорачувајќи им да останат во своите домови и да го избегнуваат квартот каде што се случи убиството.
Градоначалникот на Хамбург, Петер Шенчер, реагираше на нападот нарекувајќи го „шокантен“.
„Извештаите од Алстердорф (кварт во Хамбург) се шокантни. Моето најдлабоко сочувство до семејствата на жртвите“,
напиша градоначалникот на Хамбург на Твитер.
Die Meldungen aus Alsterdorf / Groß Borstel sind erschütternd. Den Angehörigen der Opfer gilt mein tiefes Mitgefühl. Die Einsatzkräfte arbeiten mit Hochdruck an der Verfolgung des / der Täter & der Aufklärung der Hintergründe. Bitte beachten Sie die Hinweise der @PolizeiHamburg. https://t.co/38UcdguLzH
— Peter Tschentscher (@TschenPe) March 9, 2023
Извор: 360stepeni.mk
