СЕ ОТКАЖУВА ОФФ-ФЕСТ ПОРАДИ СКРАТЕНИТЕ ПАРИ ОД МИНИСТЕРСТВОТО ЗА КУЛТУРА

February 15, 2023
1 min read

Годинава нема да се одржи Офф-фест, соопшти организаторот Скопски џез фестивал (СЏФ), револтирани од доделените пари од Годишниот конкурс за проекти од национален интерес во културата од Министерството за култура. За 22. издание на еден од најпосетуваните и најквалитетни настани во земјава доби 1 милион и 20 илјади денари (16.500 евра). Според СЏФ, парите се скратени за половина од минатогодишната сума и не овозможуваат ни најминимални финансиски услови за одржување на Офф-фест (предвиден од 7 до 10 јуни) како (повеќедневен) фестивал.

„За жал, по 21-годишна убава фестивалска традиција, не ни останува друг избор. Немаме намера да поднесуваме жалба до второстепената комисија и да се изложуваме на натамошни понижувања, кои и со поддршката често ги имавме со Министерството за култура во изминатите години. Лани, на пример, вложивме жалба на 1 март, Офф-фест се одржа на почетокот на јуни, а одговор на жалбата (се разбира негативен) добивме на 19 септември. Ние знаеме дека на овој конкурс имаме приложено исклучително квалитетни апликации и дека средствата што биле на располагање во оваа дејност не биле намалени во споредба со минатата година“, се вели во реакцијата на СЏФ.

Додаваат дека немаат намера да ја коментираат Годишната програма, која ја донесе министерката Бисера Костадиновска-Стојчевска, ниту пак да се впуштаат во некакви споредбени анализи. Тоа е наполно бесмислено, велат,  „сè додека квантитетот на одобрените проекти е замена за оценката што е, а што не е, национален интерес во културата, според критериуми и квалитет, со конечно напуштање на популизмот и антиевропските политики во културата, присутни во Годишната програма“.

„На Офф-фест му останува пријатната обврска да го реализира, заедно со уште 11 еминентни европски фестивали, четиригодишниот проект ‘Звуците на Европа’, поддржан од Европската Унија (преку програмата ‘Креативна Европа’). Овој проект, меѓу другото, ќе им овозможи гостување на македонските музичари на бројни европски сцени“, велат од Скопскиот џез фестивал.

Министерката за култура на 10 февруари ги објави резултатите од Конкурсот за годишната програма во културата за 2023. Буџетот за поддршка на проекти во културата за оваа година изнесува 12,5 милиони евра.

Б. НЕСТОРОСКА

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Најстудено на Попова Шапка, минус осум степени

Следно

По 212 часа од земјотресите во Туркије спасена е 77-годишна жена во Адијаман

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop