ХЈУСТОН (АА) – Најмалку три лица загинаа, а десетици се хоспитализирани откако неколку торнада ја зафатија американската сојузна држава Арканзас, јавува Анадолу.
Торнадата ги погодија главниот град Литл Рок и градот Вин, уништувајќи домови, превртувајќи возила и откорнувајќи дрвја.
Снимката од Вин покажа како бурата рамни цели блокови од градот и уништува згради додека се пробива.
Градот е „преполовен поради уништувањето од исток кон запад“, изјави градоначалничката Џенифер Хобс за Си-ен-ен. „Сè уште сме во режим на тријажа“, рече Хобс, објаснувајќи дека екипите за итни случаи сè уште работат на утврдување на размерот на предизвиканата штета и процена дали има други жртви или повредени.
Националната метеоролошка служба издаде десетици предупредувања за торнада низ јужниот и Средниот Запад на САД кои погодија милиони жители од Тенеси и Кентаки до Алабама, Мисисипи до Илиноис, Индијана и Мичиген.
Последните тешки временски услови доаѓаат една недела по серијата смртоносни бури што го зафатија југоистокот, каде што во во Ролинг Форк, Мисисипи, торнадо загинаа најмалку 26 лица.
Метеоролозите соопштија дека торнадата се движеле со максимална брзина од 281 километар на час.
Претседателот Џо Бајден го посети Ролинг Форк во петокот пред појавата на најновите торнада.
„Знам дека постои многу голема болка и дека е тешко да се поверува во момент како овој, но оваа заедница ќе се обнови, ќе се обнови и ќе се изгради подобро отколку што беше порано“, изјави Бајден пред новинарите.
„И само сакам да знаете, додека се борите да го надминете ова, не сте сами. Американскиот народ ќе биде со вас. Тие ќе ви помогнат да го надминете ова, исто и јас“, порача тој.
Извор: www.aa.com.tr
