ВАШИНГТОН (АА) – Американската администрација ја одобри продажбата на Националниот напреден ракетен систем од копно до воздух (NASAMS) во вредност од 285 милиони долари за Украина, пренесува Анадолу.
Во соопштението на Агенцијата за одбранбена безбедност и соработка на Пентагон (DSCA) се вели дека вклучувајќи го и системот NASAMS, Украина ќе добие радар од типот „lAN/MPQ-64FI Sentinel“, ГПС-систем, Центар за управување со пожари, систем за лансирање на проектили и друга теренска опрема во вредност од 285 милиони долари.
Во ова соопштение се наведува дека до Конгресот е испратено известување во врска со одобрувањето на продажбата.
Според соопштението, благодарение на оваа продажба, ќе се поддржи безбедноста на земјата со која е формирано партнерство за да се обезбеди политичка стабилност во Европа, а одлуката е „во согласност со целите на американската надворешна политика и национална безбедност“.
„Украина треба да го зголеми одбранбениот капацитет против ракетните напади од Русија“, се истакнува во соопштението, и се додава дека постигнувањето на овој капацитет од страна на Украина и неговата ефективна употреба ќе помогне да се заштити критичната инфраструктура во земјата.
Инаку, од почетокот на руско-украинската војна, САД ѝ помагаат на украинската војска на два начина, имено со Иницијативата за безбедносна помош на Украина и со повлекувањето на оружјето од американскиот воен инвентар под надлежност на претседателот.
Извор: www.aa.com.tr
