САД е можно да го забранат Тик-ток на национално ниво доколку кинеските сопственици не се повлечат од компанијата

March 16, 2023
2 mins read

Според „Волт стрит џурнал“, Комитетот за странски инвестиции на Соединетите Држави (CFIUS), кој ги надгледува ризиците за националната безбедност, едногласно препорачал излегување на „Бајт денс“ од сопственичката структура на Тик-ток. Портпаролот на Тик-ток не ги негирал наводите на весникот и потврдил дека компанијата била контактирана од CFIUS. САД веќе го забранија Тик-ток на уредите на федералната влада, но ова е прва закана од администрацијата на претседателот Џо Бајден за потенцијална забрана на апликацијата на национално ниво

Американските власти најавуваат дека ќе ја забранат социјалната мрежа за споделување видеа Тик-ток доколку кинеската компанија која е сопственик на платформата не се повлече од сопственичката структура и не ги продаде акциите, јавуваат светските медиуми.  

Илустративна фотографија/Фото: Архива

Барањето за промена на сопственоста првично беше објавено од „Волт стрит џурнал“, а дека САД имаат ваква намера потврдиле за Би-би-си од кинеската компанијата „Бајт денс“, која е сопственик на Тик-ток.  

Тик-ток подолг период се соочува со обвинувања од страна на американските власти, но и од други западни влади дека претставува ризик за безбедноста поради одлевање податоци собрани од милионите корисници кои можат да завршат во раце на кинеската влада. 

Засега сè уште нема коментар од Белата куќа во врска со наводите на „Волт стрит џурнал“.  

Според весникот, Комитетот за странски инвестиции на Соединетите Држави (CFIUS), кој ги надгледува ризиците за националната безбедност, едногласно препорачал излегување на „Бајт денс“ од сопственичката структура на Тик-ток. 

Портпаролот на Тик-ток не ги негирал наводите на „Волт стрит џурнал“ и потврдил дека компанијата била контактирана од CFIUS. 

Сепак, портпаролот, како што пишува Би-би-си, посочил дека има одредена доза пренегласеност во известувањето и дека не е јасно што значи терминот „продавање“ во пракса.  

 „Доколку целта е заштитата на националната безбедност, продажбата не го решава проблемот: промената на сопственоста нема да наметне никакви нови ограничувања на протокот на податоци или пристапот“,

изјавил портпаролот за Би-би-си. 

 „Најдобар начин да се одговори на загриженоста за националната безбедност е со транспарентна заштита на американските кориснички податоци и системи од самите САД“,

додал тој. 

Најавите за забрана за Тик-ток првпат се појавија за време на администрацијата на поранешниот американски претседател Доналд Трамп во 2020 година.  

Новите најави доаѓаат откако минатата недела во Сенатот на САД беше објавена нова легислатива која му овозможува на американскиот претседател да го забрани Тик-ток на национално ниво.  

Законот за ограничување ќе му овозможи на американското Министерство за трговија да ги прогласи компаниите поврзани со странство за ризични по националната безбедност, посочува британскиот национален сервис.  

САД веќе го забранија Тик-ток на уредите на федералната влада, но ова е прва закана од администрацијата на претседателот Џо Бајден за потенцијална забрана на апликацијата на национално ниво. „Гардијан“ пишува дека евентуалната забрана од САД би се соочила со значителни правни пречки.

Инаку, освен на уредените на вработените во федералните институции на САД, идентични забрани за администрацијата донесоа и Канада и Европската Унија.

Извршниот директор на Тик-ток, Шо Зи Че, следната недела треба да се појави и да сведочи пред американскиот Конгрес.  

Тој минатиот месец беше во Брисел на разговори со претставници на ЕУ, каде што доби предупредување Тик-ток да ја гарантира безбедноста на податоците за европските корисници. 

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Општина Карпош ќе дава субвенции за замена на покриви и лифтови

Следно

САД се закануваат дека ќе го забранат ТикТок, ова е нивниот услов

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop