Руски извидувачки авион оштетен во саботажа со дрон во Белорусија

February 27, 2023
1 min read

Горда сум на сите Белоруси кои продолжуваат да се спротивставуваат на руската хибридна окупација на Белорусија и се борат за слободата на Украина, напиша лидерката на опозицијата Свјетлана Тихановска

Руски воен авион за набљудување „А-50“ бил оштетен во напад со дрон на аеродромот Мачулиши во близина на белоруската престолнина Минск, потврдија членовите на белоруската опозиција во егзил, а лидерката на опозицијата Свјетлана Тихановска рече дека е горда на нив, пренесува „Киев индипендент“.

„Горда сум на сите Белоруси кои продолжуваат да се спротивставуваат на руската хибридна окупација на Белорусија и се борат за слободата на Украина“,

напиша Тихановска.

Шефот на белоруската антивладина организација „БИПОЛ“ Александар Азаров на Телеграм и на полскиот канал за вести „Белсат“ напиша дека станувало збор за беспилотни летала и оти учесниците во операцијата биле Белоруси.

„Тоа беа беспилотни летала. Учесниците во операцијата се Белоруси. Тие се сега безбедни, надвор од земјата“,

изјави Азаров.

Советникот на белорускиот опозициски лидер Свјетлана Тихановска во објава на Твитер рече дека ова е најуспешниот чин на саботажа од почетокот на 2022 година.

Предните и централните делови на авионот, како и радарската антена се оштетени како резултат на две експлозии во нападот на воздухопловната база во близина на Минск. Рускиот авион „Бериев А-50“ е наменет за воздушно рано предупредување со воздушни командни и контролни способности и можност за следење до 60 цели истовремено.

Од почетокот на руската инвазија на Украина пред една година, имаше неколку чинови на саботажа во Белорусија и во руските региони кои граничат со Украина, особено на железничкиот систем.

Белорускиот претседател Александар Лукашенко не учествуваше директно во руската војна против Украина, но им дозволи на нејзините сили да ја користат територијата на почетокот на инвазијата пред една година. Русија и Белорусија формираа заедничка воена единица во Белорусија и одржаа бројни вежби. Во Белорусија се распоредени одреден број руски воени авиони и авиони за рано предупредување и контрола.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Свен Горан Ериксон заради здравствени проблеми ја заврши тренерската кариера

Следно

По убиството на двајца Израелци, убиен е Палестинец, запалени куќи на Западниот Брег

Latest from Blog

Двојни аршини во Битола?

Последниве денови сведоци сме како некои профили, меѓу кои и „Поинаку во Битола“, си земаат право да навредуваат, потценуваат и пцујат луѓе по социјалните мрежи и тоа без трошка срам, без ниту

Меџити: Чаир ќе отвори нови работни места и ќе обезбеди квалитетни услуги за граѓаните

Изет Меџити, кандидат за градоначалник на општина Чаир, најави нов пристап за зголемување на буџетот и финансиските можности на општината преку европските фондови, со посебен фокус на програмата Horizon Europe. „Приоритет ни

Српскиот бизнисмен негира дека е во врска со екс сопругата на Харис Џиновиќ, Мелина

Богатиот Спасојевиќ за српските медиуми остро ги негираше вестите дека е новиот вереник на Мелина.  „Информациите немаат никаква врска со вистината. Толку за српското новинарство“, изјавил Топлица. Инаку, веќе два дена на социјалните мрежи кружат

Панел на САНУ: Во Србија за 20 години бројот на жени во репродуктивен период е намален за 450.000

Тоа е податок што не треба да чуди бидејќи во државата се раѓаат се помалу бебиња, објави денеска Политика извештај од панел на САНУ.  „Резултатите од бројни истражувања покажуваат дека постои голем

Трамп ѝ даде зелено светло на ЦИА за спроведување тајни операции во Венецуела

Доналд Трамп, претседателот на Соединетите Американски Држави, ги потврди претходните извештаи на некои американски медиуми дека ја овластил ЦИА да спроведува тајни операции во Венецуела. „Давам зелено светло за овие операции од
Go toTop