Руските служби за контрола на воздушниот простор над Балтичкото Море денеска открија воздушна цел која се приближува до руската граница. Полета ловец Су-27 и го идентификуваше леталото како базичен патролен авион П-3Ц Орион на германската морнарица, соопшти Министерството за одбрана
Руската војска соопшти дека испратила борбен авион да пресретне авион на германската морнарица кој се приближувал до границата преку Балтичкото Море, пренесе агенцијата Хина.
„Руските служби за контрола на воздушниот простор над Балтичкото Море денеска открија воздушна цел која се приближува до руската граница. Полета ловец Су-27 и го идентификуваше леталото како базичен патролен авион П-3Ц Орион на германската морнарица. По пристигнувањето на рускиот авион, странскиот воен авион се оддалечи од руската граница и рускиот ловец безбедно се врати на матичниот аеродром“,
соопшти Министерството за одбрана на каналот на Телеграм.
Германскиот авион не ја преминал границата, се додава во соопштението.
Инциденти со руски и НАТО авиони се случуваат во последните години, дури и пред почетокот на конфликтот во Украина.
Често се јавуваат над Балтичкото Море, но и над Црното Море и на други места.
Во март, руските воздухопловни сили пресретнаа американски беспилотно летало Реапер МК-9 во Црното Море, кое падна во морето.
Фото: EPA PHOTO EPA/SERGEI CHIRIKOV/sc/mda
Извор: 360stepeni.mk
