МОСКВА (АА) – Руското Министерство за надворешни работи денеска прогласи за персона нон грата четворица австриски дипломати, јавува Анадолу.
Во соопштението на својата веб-страница, Министерството соопшти дека австрискиот амбасадор Вернер Алмхофер бил повикан во врска со претходното протерување на четворица руски дипломати од Виена.
„Тој непријателски и неоправдан чекор нанесе сериозна штета на билатералните односи, кои и онака се во криза поради чекорите на австриската страна, и на меѓународната власт на Виена, која претходно се позиционира како непристрасна, неутрална држава и платформа за меѓународна дипломатија“, се истакнува од руското Министерство.
Се додава дека австриските дипломати треба да ја напуштат Русија до 23 февруари.
„На амбасадорот му беа предочени и новите потешкотии со обработката на визите за официјалните руски делегации кои патуваат во Виена за учество на мултилатерални настани, што е во спротивност со обврските на Австрија како место за меѓународни средби. Оваа ситуација нема да остане без последици“, нагласи Министерството.
Извор: www.aa.com.tr
