Русија ѝ понуди на Украина размена на 630 воени заробеници

November 27, 2024
1 min read

МОСКВА (АА) – Русија денес ѝ понуди на Украина итна размена на 630 воени заробеници и започнување преговори за дополнителни размени, јавува Анадолу.

„Подготвени сме во моментов да размениме 630 воени лица, а исто така се подготвуваме за идни размени“, рече портпаролката на руското Министерство за надворешни работи Марија Захарова на прес-конференцијата во Москва, нагласувајќи ја желбата на Русија за конструктивен дијалог во врска со воените заробеници со Киев.

Русија и Украина извршија многу размени на затвореници од почетокот на војната меѓу двете земји на 24 февруари 2022 година.

Последната размена меѓу Москва и Киев се случи кон средината на октомври, кога двете земји разменија по 95 воени заробеници.

Во меѓувреме, Канцеларијата на руската омбудсманка за деца соопшти дека Катар го олеснил враќањето на две руски деца земени од борбената зона во Украина во Русија.

Децата беа обединети со своите семејства во Катарската амбасада во Москва, со присуство на амбасадорот Ахмед бин Насер Ал Тани и претставник на рускиот претседателски комесар за правата на децата.

„Многу ми е драго што денес примив две деца и нивните семејства во амбасадата. Катар отсекогаш посветувал големо внимание на хуманитарната работа, осигурувањето на човековите права и на правата на децата“, рече амбасадорот.

Според него, катарските дипломати добиле инструкции од врвот на земјата да продолжат да им помагаат на Русија и Украина во обединувањето на децата со нивните семејства.

„Се надеваме дека секое дете ќе може да се врати дома и во Русија и во Украина“, порача тој.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

VERO JUMBO MACEDONIA

EVN MACEDONIA

AUTO SHKOLLA BEKO

MATINA DENTAL CLINIC

Претходно

Исплатени 139.965.962 денари, финансиска поддршка за остварено и продадено производство на пченица

Следно

Депонија во Шуто Оризари ги скара Курто Дудуш и Данела Арсовска

Latest from Blog

Јаневска: Сојузништвото меѓу наставниците, родителите и заедницата е клучно за развој на просперитетни генерации со емпатија и критичко размислување

Наставниците се вистински магионичари – не само во однос на знаењето што го пренесуваат, туку и во обликувањето на карактерот и развојот на децата во целина. Тие ги поттикнуваат да размислуваат храбро,

Швајцарците гласаат за воведување граѓанска служба и за данок на наследство

Анкетите пред изјаснувањето покажуваат дека двата предлога ќе бидат отфрлени. Со првата иницијатива се предлага задолжителна служба за сите, или во војската или во службите за помош при катастрофи, но и во

Нагло порасна бројот на жртви во големиот пожар во облакодерите во Хонг Конг

Повторно се зголеми бројот на жртви во катастрофалниот пожар што минатата недела го зафати станбениот комплекс „Ванг Фук Корт“ во Хонг Конг. Локалните медиуми, повикувајќи се на полицијата, наведуваат дека досега се
Go toTop