МОСКВА (АА) – Игор Кирилов, командант на руската војска за нуклеарна, биолошка и хемиска заштита (NBCP), ги обвини Соединетите Американски Држави (САД) за развој на биолошко оружје во близина на границите на Русија, јавува Анадолу.
Говорејќи на пленарната седница во Долниот дом на рускиот Парламент, Кирилов рече дека Министерството за одбрана на таа земја анализирало повеќе од 2.000 документи, „кои го потврдуваат спроведувањето на воено-биолошки проекти на територијата на Украина“.
„Врз основа на резултатите од анализата на документите и интервјуата со сведоци, не се сомневаме дека САД, под превезот на обезбедување глобална биолошка безбедност, спроведоа истражување со двојна намера, вклучително и создавање компоненти на биолошко оружје во непосредна близина на руските граници“, нагласи тој.
Минатата година Кирилов рече дека Русија се обидела да воспостави контролен механизам во рамките на Конвенцијата за биолошко оружје (BWC) за да спречи нелегално воено биолошко истражување, но на идејата остро се спротивставил Вашингтон.
Пентагон активно ги пренесува истражувањата што не успеал да ги заврши во Украина во земјите од Централна Азија и Источна Европа, тврди руски официјален претставник.
Извор: www.aa.com.tr
