На церемонијата се поканети шефови на држави и влади на земјите со кои Велика Британија има целосни дипломатски односи. Поканети се и претставници на британските територии и прекуокеанските територии
Британија не испратила покани за крунисувањето на кралот Чарлс Трети до лидерите на Русија, Белорусија, Иран, Мјанмар, Сирија, Авганистан и Венецуела, изјави во вторникот британски извор.
На церемонијата се поканети шефови на држави и влади на земјите со кои Велика Британија има целосни дипломатски односи. Поканети се и претставници на британските територии и прекуокеанските територии.
Покани се испратени и до високи дипломати, но не и до шефовите на државите на Северна Кореја и Никарагва.
Војводата од Сасекс, британскиот принц Хари, ќе присуствува на крунисувањето на неговиот татко, кралот Чарлс Трети, на 6 мај, соопшти денеска Бакингемската палата.
Неговата сопруга Меган нема да дојде во Велика Британија, туку ќе остане со децата во САД, пренесува Си-ен-ен.
На поканата за крунисувањето на британската кралска двојка, која ќе се одржи на 6 мај во Вестминстерската опатија пред околу 2 000 гости, покрај кралот Чарлс Трети, неговата сопруга првпат официјално е наречена кралицата Камила.
Камила во моментов ја има титулата кралица сопруга на монархот, а извор близок до кралското семејство изјавил дека по крунисувањето сопругата на кралот Чарлс Трети ќе добие нова официјална титула.
Извор: 360stepeni.mk
