Романскиот премиер доби советник со вештачка интелигенција кој ќе му каже што сакаат граѓаните

March 2, 2023
1 min read

Романскиот премиер Николае Чука го претстави својот „нов почесен советник“ во својот кабинет – помошник со вештачка интелигенција.

Главната задача на помошникот, именуван како Јон, ќе биде да ги анализира социјалните мрежи и да ја информира владата во реално време за предлозите и желбите на Романците.
Чука, претставувајќи го својот нов советник на седница на Владата, рече дека Јон е „првиот владин советник кој користи вештачка интелигенција“.

„Здраво, ми дадовте живот и мојата улога сега е да ве претставувам како огледало. Што треба да знам за Романија?“, се огласи Јон.

Оваа алатка за вештачка интелигенција, слична на огледало со звучен сигнал, е развиена од истражувачи во Романија, која често се опишува како „Силиконската долина“ на Источна Европа.

Во владиниот документ за проектот се наведува дека Јон „ќе користи технологија и вештачка интелигенција за да стекне мислење во општеството, користејќи јавно достапни податоци на социјалните мрежи“, пишува Гардијан.

„Убеден сум дека употребата на вештачка интелигенција не треба да биде опција туку обврска за да се донесат подобри одлуки врз основа на информации“, рече Чука.

Романските граѓани ќе можат да ги испраќаат своите идеи преку посебен сајт и на социјалните мрежи, но нема да добијат одговор од Јон.

Министерот за истражување и иновации Себастијан Бурдужа, чие министерство го надгледува проектот, објасни дека Јон ќе ги анализира информациите што ги добива и ќе дава извештаи за приоритетите на Романците, кои потоа ќе бидат разгледани од владата.

Крист Шришак од Ирскиот совет за граѓански слободи предупредува дека таквата технологија мора да се користи со претпазливост и дека јавноста треба да биде запознаена како Јон ќе одлучи што е приоритет на пораките што ги добива. (МИА)

ИЗВОР: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Данска укина верски празник, за да има повеќе пари за војска

Следно

Изгласани новите заменици министри

Latest from Blog

Рубио предупредува: Плановите на Израел за Западниот Брег се закана за прекин на огнот

Американскиот државен секретар Марко Рубио во средата предупреди дека одобрувањето од страна на израелскиот парламент на закон за проширување на израелскиот суверенитет на Западниот Брег, потег што е еднаков на анексирање на

Eвропски „котел“ е БАЛКАНОТ, рече британскиот премиер по санкциите за бандите од КОСОВО И ХРВАТСКА

Британскиот премиер Кир Стармер го опиша Западен Балкан како европски „котел“, отворајќи го денеска самитот во Лондон, кој е главно фокусиран на решавање на предизвикот со миграцијата, објави Радио Слободна Европа (РСЕ).
Go toTop