АТИНА (АА) – Романија планира да купи американски борбени авиони Ф-35 за да ги зајакне своите капацитети за воздушна одбрана, соопшти романскиот Врховен совет за одбрана, пренесува Анадолу.
„Процесот на модернизација на Романските воздухопловни сили ќе продолжи со купувањето на авиони Ф-35 од најновата генерација“, се вели во соопштението на Советот.
„Поседувањето робусни, кредибилни, интероперабилни, флексибилни и ефикасни оперативни способности за воздушна одбрана … како дел од нашите обврски како членка на НАТО и ЕУ, е од суштинско значење за Романија за исполнување на целите на одбранбената политика“, се додава во соопштението.
Се нагласува дека земјата треба да продолжи со напорите за обезбедување на неопходната поддршка за другите ранливи партнери во регионот.
„Првенствено се работи за Република Молдавија, која, по Украина, е најизложена на руската агресија и притисок“, се истакнува во соопштението.
Извор: www.aa.com.tr
