Диорама со четири барски птици, дел од природонаучната збирка во струшкиот музеј „Доктор Никола Незлобински“ оштетена од влага, е целосно реставрирана и преуредена.
Васко Јолески, самостоен препаратор во Музејот, кој се грижи за музејската збирка, појасни дека целосно ја растурил изложбената витрина, ја исчистил влагата, а потоа соодветно ја истретирал.
Поради нагризување од влага на една од витрините со птици, целосно ја растурив диорамата и ја исчистив влагата. Променив дел од материјалите, мовта ја заменив со песок, кој не држи влага, истакна Јолески.
Според него, било интервенирано и со хемикалии, кои се дозволени со ЕУ-стандардите, а потоа птиците биле вратени внатре. На посетителите, нагласи, повторно им е доловено природното живеалиште на четирите барски птици.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
