Регистарските таблички на службените возила на Владата и на министерствата ќе бидат со црвена боја, а бројките и буквите на регистрацијата ќе биде со жолта боја.
Со тоа, како што вели директорот на општи и заеднички работи Ивица Томовски, ќе бидат лесно воочливи, и ќе се спречи злоупотреба, пренесува САКАМДАКАЖАМ.
„Задолжено е Министерството за внатрешни работи да спроведе постапка за набавка на црвена боја, по што ќе почне процесот на нивно менување. Штом заврши тендерот сите институции ќе добијат рок од 30 дена во кој треба да ги променат табличките“, кажа Томовски.
Томовски ваквиот потег го најави уште минатиот месец.
ИЗВОР: ТВ 21
