МОСКВА – Претседателот на Русија Владимир Путин упати телеграма со сочувство до претседателот на Туркије Реџеп Таип Ердоган по земјотресот со интензитет од 7,4 степени кој ги потресе јужните делови на Туркије, известува Анадолу.
Кремљ соопшти дека претседателот Путин испратил телеграма до претседателот Ердоган во која му изразува сочувство за загинатите во катастрофалниот земјотрес.
„Примите мое длабоко сочувство поради човечките жртви и големите уништувања предизвикани од земјотресот кој ја потресе вашата држава. Сакам да го пренесете моето најдлабоко сочувство и до семејствата и роднините на загинатите. Им посакувам брзо закрепнување на повредените. Подготвени сме да ја пружиме неопходната помош“, вели Путин во телеграмата.
Најмалку 284 лица загинаа, а 2.323 се повредени во 10 турски области во земјотресот со интензитет од 7,4 степени според Рихтеровата скала што ова утро ги потресе јужните делови на Туркије.
Извор: www.aa.com.tr
