Од 1 април до 15 јули 2023 година ќе се врши регрутирање на руски државјани на возраст од 18 до 27 години, кои не се во резерва и се предмет на воена служба. Ова се однесува на 147 000 луѓе, се наведува во указот на рускиот претседател
Рускиот претседател Владимир Путин потпиша указ за повикување 147 000 руски државјани на воена служба како дел од пролетниот воен рок, објавија руските државни медиуми, а пренесува „Гардијан“.
„Од 1 април до 15 јули 2023 година ќе се врши регрутирање на руски државјани на возраст од 18 до 27 години, кои не се во резерва и се предмет на воена служба. Ова се однесува на 147 000 луѓе“,
се наведува во указот на рускиот претседател.
Рускиот претседател последен пат потпиша ваква одредба во септември, повикувајќи 120 000 граѓани во редовна служба, објави државната новинска агенција ТАСС.
Во тоа време, руското Министерство за одбрана рече дека есенското регрутирање „не било поврзано со специјална воена операција“, официјален термин на Русија за инвазијата на Украина.
Русија започна инвазија на Украина во февруари 2022 година.
Сите мажи во Русија, на возраст од 18 до 27 години, треба да поминат една година воена служба или еквивалентна обука додека студираат.
Извор: 360stepeni.mk
