Тој повика и украинската страна да прогласи прекин на огнот
Рускиот претседател Владимир Путин денеска наредни 36-часовен прекин на огнот во Украина поради прославувањето на православниот Божиќ што е првото поголемо примирје по повеќе од 10 месеци војна која ја започна тој и во која загинаа илјадници луѓе и се опустошија повеќе делови на украинска територија.
Како што соопшти Кремљ, Путин наредил прекинот да огнот да започне на 6 јануари (утре) кога голем дел православни верници, меѓу кои и Русите и Украинците, го одбележуваат Бадник, а потоа (7 јануари) и Божиќ.
Ваквата објава следува откако претходно московскиот патријарх Кирил ги повика двете страни на божиќно примирје.
„Имајќи го предвид апелот на неговата светост, патријархот Кирил, упатувам на министерот за одбрана на Руската Федерација да воведе прекин на огнот од 12 часот на 6 јануари 2023 до 24 часот на 7 јануари 2023“,
наведува Путин во наредбата.
Тој ја повика и украинската страна да прогласи прекин на огнот за да може верниците да присуствуваат на богослужбите на Бадник и на Божиќ.
Извор: 360stepeni.mk
