Итната медицинска помош во Скопје го евидентираше првиот случај на каснување од змија. Станува збор за маж на околу 50-тина години кој престојувал во Идризово. Со возило на Брза помош, лицето е пренесено на лекување до Инфективната клиника во Скопје, каде е оставено за понатамошен третман и опсервација.
Од Центарот за управување со кризи (ЦУК) редовно информираат за пријави за змии во населени места, а надлежните апелираат да се внимава во текот на летото, со цел граѓаните да се заштитат од влекачите.
Граѓаните треба да внимаваат каде се движат при престој во природа и да носат соодветна облека со цел да се заштитат од змии, велат надлежните.
Од ЦУК изминатите денови информираа за пријави за змии во повеќе населени места и препорачуваат внимателно движење особено во природа. Нагласуваат дека нема специјализирана служба за заловување и безбедно отстранување на змии.
Извор: 24vesti.mk
