Пронајдени доверливи документи во куќата на поранешниот потпретседател на САД, Мајк Пенс

January 24, 2023
1 min read

Адвокатот на Пенс во своето писмо наведува дека поранешниот потпретседател „не бил свесен за постоењето на чувствителни или доверливи документи во неговата лична резиденција“ и дека „е подготвен целосно да соработува со истрагата“

Документи со доверливи информации се откриени во домот на поранешниот американски потпретседател Мајк Пенс во Индијана, изјави неговиот адвокат за Националниот архив, што е последно во серијата откритија на доверливи информации во приватни резиденции, пренесува „Асошиејтед прес“ (АП).

Адвокатот на Пенс, Грег Џејкоб, рече дека „мал број доверливи документи спакувани во кутија биле транспортирани во домот“ на поранешниот американски потпретседател во времето кога Доналд Трамп бил претседател.

Џејкобс рече дека Пенс ангажирал адвокати искусни во ракување со доверливи документи за да ги прегледаат записите зачувани во неговиот дом, откако во јавноста се дозна дека доверливи документи се пронајдени во резиденцијата на актуелниот претседател Џо Бајден во Вилмингтон.

Министерството за правда веќе користи специјален советник за да го истражи присуството на доверливи документи земени од имотот на Трамп на Флорида и од домот и поранешната канцеларија на Бајден.

Адвокатот на Пенс во своето писмо наведува дека поранешниот потпретседател „не бил свесен за постоењето на чувствителни или доверливи документи во неговата лична резиденција“ и дека „е подготвен целосно да соработува со истрагата“.

Уште шест доверливи документи беа пронајдени викендов за време на 13-часовниот претрес на домот на претседателот Бајден во Делавер.

„Претседателот понуди пристап до својот дом за да му дозволи на Министерството за правда да ја пребара просторијата за потенцијални потпретседателски досиеја и потенцијален доверлив материјал“,

изјави адвокатот на претседателот, Боб Бауер.

Претходно овој месец, адвокатите на Бајден изјавија дека првата група доверливи документи била пронајдена на 2 ноември во истражувачки центар што претседателот го основал во Вашингтон.

„Друг сет на записи беше пронајден на 20 декември во гаражата во неговиот дом во Вилмингтон, додека друг документ беше пронајден во складиште во домот на 12 јануари“,

изјавија неговите адвокати.

Откритијата во домовите на Мајк Пенс и Џо Бајден доаѓаат во време кога поранешниот претседател Доналд Трамп, исто така, се соочува со истрага за неговото наводно неправилно постапување со доверливите документи.

Стотици доверливи записи беа пронајдени во резиденцијата на Трамп во Флорида. Трамп и неговите адвокати се спротивставуваа да ги предадат документите сè додека ФБИ не изврши рација во викендицата на Флорида минатиот август.

Извор: 360stepeni.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Апсење на натпреварот Ливерпул – Челзи

Следно

Доверливи документи пронајдени и во куќата на Мајк Пенс

Latest from Blog

Лајен во посета на БиХ

Предвидено е Лајен посетата да ја почне со обиколка на Меморијалниот центар Сребреница, а потоа во Сараево да има средби со членовите на Претседателството на Бих и со претседавачот на Советот на

Нестварна понуда: За Барса 400 милиони евра, а Јамал да биде најплатениот во светот!

ФОТО: FC Barselona/X Како што пренесуваат медиумите во Шпанија, додека се играат квалификациите за СП, во Доха (Катар) се одржал состанок на кој присуствувале челниците на ПСЖ. На истиот одлучено е по

Тоневски: Ќе го реконструираме поранешниот интернат и ќе го претвориме во дом за пензионери

Кандидатот за градоначалник на Општина Пробиштип, Тони Тоневски, упати емотивна порака до пензионерите, истакнувајќи дека тие се темелот на градот и дека нивниот труд и љубов се вградени во секој дел од

Престанувањето со пушење го забавува губењето меморија и подоцна во животот

Престанувањето со пушење, дури и во подоцнежниот живот, може да помогне во забавувањето на проблемите со мозокот и помнењето поврзани со возраста, покажа ново истражување. Според научниците, наодите се дополнителни докази дека

Со ЛАЖНИ ВЕСТИ против Ѓорѓиевски: Медиумите на СДСМ орно се вклучија во „борбата за својот дом“ или ХАЦИЕНДИТЕ

Не неколку дена пред избори, медиумите на СДСМ се пуштени на „најјако“ во одбрана на неодбранливото. Во време кога Орце Ѓорѓиевски супериорно води пред Каја Шукова со огромни 4:1 „Слободен печат“ излегува
Go toTop