Филозофското друштво на Македонија денеска ќе промовира два нови броја од списанието „Филозофска трибина“ (31 и 32) со промотивна реч на проф. д-р Ристо Солунчев.
Во 31-виот број на „Филозофска трибина“ се поместени 10 авторски текстови на тема „Филозофската мисла во Македонија“, други два авторски текста, како и по еден текст од рубриките „Студентски форум“ и „Средношколски форум“.
„Филозофска трибина“ бр. 32, пак, ја сочинуваат девет авторски текстови на различни релевантни филозофски теми, два превода, по еден текст од рубриките „Студентски форум“ и „Средношколски форум“, три прикази на книги и поширок осврт кон 12. Филозофски филмски фестивал.
Двете изданија се поддржани од Министерството за култура и може да се најдат во книжарниците „Или Или“, „Култура – Во светот на книгите“ и „Буква“.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
