Европската унија има намера да ги здружи силите со домашната одбранбена индустрија за да го забрза и зголеми производството на муниција и така да ги пополни магацините кои се веќе празни поради војната во Украина.
Зборувајќи на Минхенската безбедносна конференција, претседателката на Европската комисија Урсула фон дер Лајен предложи ЕУ да го направи она што го направи за време на пандемијата со таа разлика што наместо огромни колични вакцини сега би се произведувале гранати и друг вид муниција.
„Можеме да размислиме, на пример, за напредни купопродажни договори кои и даваат можност на одбранбената индустрија да инвестира во производствени линии за да биде побрза и за да ја зголеми количината на муниција што може да ја испорача“,
рече шефицата на ЕК.
Фон дер Лајен аргуемнтираше дека ЕУ не може да чека со месеци и години за да ги надополни сопствените воени резерви или за да испрати дополнителни количини муниција во Украина.
„Сега е време, навистина, да се забрза производството и да се зголеми производството на стандардизирани типови муниција кои очајно и се потребни на Украина“,
порача Фон дер Лајен.
Извор: 360stepeni.mk
