На Стефан Стојановиќ и Милош Стојановиќ, ранети во нападот во Готовуша, им била укажана лекарска помош во блискиот Здравствен дом, а потоа биле испратени на хируршкото одделение во Грачаница
Косовската полиција соопшти дека привела осомничен за ранувањето на двете момчиња од српска националност врз кои беше пукано од возило во движење додека носеле бадниково дрво.
Како што се наведува во соопштението, „по интензивна истражна работа, подрачната полиција Урошевац собрала информации на терен, го идентификувала и потоа го уапсила осомничениот А.К на возраст од 33 години“.
„Осомничениот е под надзор на Урошевачката полиција, односно Подрачното одделение за истраги за други истражни дејствија“,
се наведува во соопштението.
Приведениот е припадник на косовските безбедносни сили, објави Индекс онлајн, пренесе Косово онлајн.
Две српски момчиња, братучедите Стефан Стојановиќ (11) и Милош Стојановиќ (21) беа ранети денеска во Готовуша кај Штрпце кога без причина, локален Албанец, пукал во нив од возило во движење, соопшти Канцеларијата за Косово и Метохија на Владата на Србија.
Според соопштението, во моментот на нападот, децата се движеле покрај патот и носеле бадниково дрво кога напаѓачот отворил оган врз нив.
Лекарот од амбулантата каде биле примени момчињата, информира дека тие не се во животна опасност.
На Стефан Стојановиќ и Милош Стојановиќ, ранети во нападот во Готовуша, им била укажана лекарска помош во блискиот Здравствен дом, а потоа биле испратени на хируршкото одделение во Грачаница.
„Малиот е застрелан во надлактицата, го испраќаме во Грачаница, бидејќи куршумот му останал во раката, другиот бил застрелан во дланката, и него му останал еден куршум, двајцата ги праќаме на одделението за хирургија. Децата се под стрес, ќе видиме што ќе биде“, изјави докторот во амбулантата каде се лекувале децата,
пренесе Косово онлајн.
ИЗВОР: 360stepeni.mk
