АНКАРА (АА) – Според информациите добиени од безбедносни извори, утврдено е дека Лиридон Реџепи управувал со мрежата за финансирање на МОСАД во Туркије, известува Анадолу.
Се дознава дека Реџепи, кој по добиените инструкции од израелската разузнавачка служба, снимал со беспилотни летала и спроведувал психолошки операции врз палестинските политичари, му префрлал и пари на теренскиот персонал во Туркије што бил задолжен да собира информации за сириските подрачја.
Сите активности на Реџепи, особено сомнителните трансакции на неговите сметки, биле следени, а Реџепи, за кого МИТ утврди дека извршил голем број трансфери на пари до персоналот на теренот во Туркије преку Вестерн Унион, бил следен од моментот кога влегол во Туркије на 25 август.
Како резултат на координираната работа на МИТ со полициската управа во Истанбул, Реџепи бил приведен на 30 август.
По изјавата дадена во полиција во која признава дека вршел трансфер на пари, Реџепи е приведен по одлука на судот пред кој е изведен.
– Разоткриена е мрежата за финансирање на МОСАД
Како резултат на операциите спроведени од МИТ, утврдено е дека МОСАД на својот персонал на теренот во Туркије му префрлал пари од источноевропските земји, особено од Косово.
Како резултат на следењето на движењето на парите, откриено е дека парите што доаѓале од Косово теренскиот персонал во Туркије ги префрлал до подизворите на информации во Сирија преку Вестерн Унион и како криптовалути.
Извор: Anadolu Agency (AA)
