Принцот Хари и Меган учествувале во „речиси катастрофална“ бркотница со автомобил со папараци

Во соопштението на портпаролот на принцот Хари се вели дека „немилосрдната потера“ траела повеќе од два часа

Принцот Хари, Меган и нејзината мајка учествуваа во „речиси фатална“ бркотница со автомобил со папараци кои ги бркаа, изјави портпаролот на двојката.

Инцидентот се случил додека војводата и војвотката од Сасекс присуствувале на церемонијата на доделување награди во Њујорк во вторникот.

Во соопштението на портпаролот на принцот Хари се вели дека „немилосрдната потера“ траела повеќе од два часа.

Се додава дека речиси дошло до судир со други возила на коловозот, со пешаци, но и со полициски службеници.

„Кога си славна личност, тоа носи одредено ниво на јавен интерес, но цената на ова никогаш не треба да загрозува нечија безбедност. Ширењето на овие фотографии, со оглед на начинот на кој тие се добиени, поттикнува многу наметлива практика која е опасна за сите инволвирани.“,

рече портпаролот.

Од њујоршката полиција не го потврдија сознанието за инцидентот.

Се наведува дека инцидентот се случил по првото јавно појавување на двојката заедно по крунисувањето на кралот Чарлс Трети претходно овој месец.

Хари и Меган присуствуваа на наградите Women of Vision заедно со нејзината мајка Дорија Рагланд.