ТИРАНА (АА) – Премиерот на Албанија, Еди Рама, престојува во официјална посета на Велика Британија, а во фокусот на средбите со британските претставници се разговорите за повеќе прашања, пренесува Анадолу.
Рама се сретна со претседателот на британскиот Парламент, Линдзи Хојл, соопшти прес-службата на Кабинетот на премиерот на Албанија.
Во овие рамки, Рама ќе се сретне и со премиерот на Велика Британија, Риши Сунак, а потоа ќе дадат заедничка изјава за медиумите.
Рама престојува во тридневна официјална посета на Велика Британија, а во фокусот на разговорите со британските претставници се дискусиите за прашањата за илегалните имигранти и зголемувањето на соработката меѓу двете земји.
Потсетуваме, минатата година Албанија и Обединетото Кралство ја потпишаа заедничката декларација за „продлабочување на билатералната соработка во областите од заеднички интерес“, вклучувајќи го и прашањето за илегалната имиграција, прашање што предизвика дебати и реакции во последниот месец во Велика Британија и Албанија.
Извор: www.aa.com.tr
