Повеќе од 40.819 Палестинци се убиени во израелските напади врз Појасот Газа кои траат веќе 333 дена

ИСТАНБУЛ (АА) – Бројот на Палестинци убиени во нападите на израелската Армија врз Појасот Газа од 7 октомври 2023 година се зголеми на 40.819, известува Анадолу.

Министерството за здравство во Газа објави информации за нападите што Израел ги извршува врз Појасот Газа веќе 333 дена.

Во соопштението се наведува дека израелската Армија извршила 3 масакри во различни делови на Појасот Газа во последните 24 часа, во кои 33 Палестинци се убиени, а 67 се повредени.

Според тоа, бројот на убиени Палестинци во нападите на Израел врз Појасот Газа од 7 октомври се зголеми на 40.819, а бројот на повредени изнесува над 94.291.

Палестинското Министерство за здравство повтори дека сѐ уште има мртви луѓе под урнатините и на патиштата, но медицинските тимови и претставниците на цивилната одбрана не можат да стигнат до телата поради израелските сили.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.