Како што пренесува Нова.рс, поранешниот политичар кој имал висока функција во градот, моментално е во притвор за да не избега, да не го повтори делото или да влијае врз сведоци
Поранешен политичар од Нови Сад, за кого српските медиуми ги објавуваат само иницијалите и возраста на С.Е. (42), е осомничен дека во средата силувал девојка во неговиот стан. Девојката, која дошла во Нови Сад да најде работа и стан, отишла со него на пијачка, а потоа продолжиле да се дружат во неговиот стан, пишува Нова.рс.
Мажот тогаш наводно се обидел да има полови односи со девојката, но откако таа го одбила, тој станал насилен и на крајот ја силувал. Девојката потоа истрчала на улица, каде сретнала доставувач на храна кој ѝ помогнал да повика полиција.
Како што пренесува Нова.рс, поранешниот политичар кој имал висока функција во градот, моментално е во притвор за да не избега, да не го повтори делото или да влијае врз сведоци.
Извор: 360stepeni.mk
