АНКАРА (АА) – Австралиската полиција спречи влез во земјата на 2,4 тони кокаин во вредност од 1 милијарда австралиски долари (околу 676,8 американски долари) и фати 12 лица за поврзаност со наркобанда, објавија локалните медиуми, пренесува Анадолу.
Полицискиот комесар на Западна Австралија, полковник Бланш, истакна дека операцијата траела шест недели и барала опсежен надзор и ресурси, јави Еј-би-си њуз.
Истрагата, наречена „Операција Бука“, резултираше со приведување на 12 лица осомничени за поврзаност со мексикански наркокартел.
Американската Администрација за борба против дрога пресретнала 2,4 тони кокаин наменет за Западна Австралија недалеку од јужноамериканскиот брег во ноември, најголемата количина на дрога фатена во земјата досега, објави медиумот.
Според разузнавачките податоци, шверцерите на дрога не биле свесни за заплената, а австралиското подземје очекувало да ја прими пратката околу 28 декември.
„Ова беше можност да се фати организацијата – групата луѓе кои организирале да ја примат и потоа да ја дистрибуираат низ Австралија“, соопшти комесарот Бланш.
Полицијата на Западна Австралија го заменила товарот со лажен кокаин и го фрлила на 40 наутички милји западно од Перт надгледувајќи го со дронови и авиони.
Припадниците на Одделот за тактичка реакција уапсија тројца мажи со приближно 1,2 тони лажен кокаин на 30 декември, откако чамецот стигна на брегот во близина на реката Мур, 70 километри северно од Перт.
Спроведени се рации низ Перт, како и на Каталина, во пристаништето Хиларис Боут, и во различни хотели.
12-те приведени се од Западна Австралија, Нов Јужен Велс, Северната Територија и САД.
Извор: www.aa.com.tr
