Подрачното училиште „Димитар Поп Георгиев Беровски“ во Хром доби нова училишна опрема.
-Од страна на фирмата „Мериан Ас“, доставени се 90 клупи, 190 училишни столчиња, 15 училишни клупи за 1-во и 2-ро одделение, 30 училишни столчиња за 1-во и 2-ро одделение и 15 компјутерски маси.Со овој чекор финишира проектот за доградба на подрачното училиште, информираше градоначалникот на Ѓорче Петров Александар Стојкоски.
Како што информира тој, останува довршување на градежните работи поврзани со поставување топлинската енергија во училиштето кои треба наскоро да завршат.
-Недостигот од капацитети за настава во овој образовен објект е долгогодишен проблем на ѓорчепетровци и проект кој силно се залагавме во изминатата година конечно да биде затворен. Бевме упорни и во Министерството за образование и наука за што поскоро пуштање во употреба на доградениот дел. Со доградбата ќе се добијат нови осум училници, нова кујна и нови тоалети со што целосно ќе се задоволи просторниот капацитет, согласно запишаните ученици во училиштето во Хром, соопшти Стојкоски.
ИЗВОР: skopjeinfo.mk
