Градоначалникот на Општина Илинден Александар Георгиевски и директорот на ЈКП „Водовод“ – Илинден Ивица Трипуновски денеска извршија увид во почетните активности на изградбата на фекалната канализација на два крака од улица „500“ во населено место Марино, со вкупна должина од 250 метри. Новата канализациска линија ќе биде изведена со полиетелиенски цевки со димензија Ф 200 и со истата ќе бидат опфатени околу 20 домаќинства. Новоизградената фекална канализација на овие два крака од улица „500“ н.м. Марино ќе се поврзе на фекалната канализација од припадна површина ПП1 Марино.
– Инвестирањето во комуналната инфраструктура е од огромно значење за локалниот економски развој, како и унапредувањето и заштитата на животната средина со што се овозможува подобрување на квалитетот на живеењето во општина Илинден. Вложувањата во комуналната инфраструктура е од стратешко значење за Општина Илинден, истакна градоначалникот Георгиевски.
Од Општина Илинден истакнуваат дека и во наредниот период ќе продолжат да работат на обезбедување на квалитетна комунална инфраструктура со цел подобрување на квалитетот на живот на сите граѓани во локалната заедница.
ИЗВОР: skopjeinfo.mk
