Веста за нејзината смрт ги шокира милионите луѓе низ целиот свет, особено нејзините следбеници кои со години ја следеа нејзината трансформација и јавниот живот.
Според странските медиуми, полицијата започнала истрага за околностите што доведоа до смртта на младата инфлуенсерка, а нејзиниот случај во моментов се третира како сомнителен. Се додава дека во наредните денови се очекува целосен извештај од обдукцијата, кој треба да ја разјасни точната причина за смртта.
Итна помош била повикана во нејзиниот дом во текот на викендот, но и покрај брзата реакција, не можеле да ѝ го спасат животот.
Она што е особено збунувачко е фактот дека пријателката на Барбара Јанкавски била присутна во куќата истиот ден, но заминала пред таа да почине, што дополнително ги разгоре сомнежите и прашањата за последните моменти од нејзиниот живот.
Барбара стекна голема популарност на социјалните мрежи споделувајќи го своето искуство преку бројни козметички и естетски процедури, со кои, како што често велеше, сакала да го постигне изгледот на совршена кукла – Барби. Според проценките, потрошила околу 42.000 фунти за разни операции и естетски третмани.
На Инстаграм ја следеле повеќе од 55 илјади луѓе, додека на ТикТок имала импресивни 344 илјади следбеници, каде што била позната под уметничкото име Бонека Десумана (што во превод значи нечовечка Барби).
Покрај нејзините активности на социјалните мрежи, Барбара учествувала во телевизиски емисии и рекламни кампањи во Бразил, што ја направило препознатливо лице во светот на забавата и модата.
Извор: vecer.mk
