Театарскиот проект „Новиот Сатана“ чија премиера се изведе на 31. ви март, а потоа имаше уште две изведби наредните денови, е копродукција на естонскиот театар, Ваба Лава од Талин, естонската продуцентска куќа R.A.A.A.M. и Евроказ од Загреб, во соработка со Музејот на современа уметност од Загреб. Режисер е Бранко Брезовец, а негова е и адаптацијата на текстот, заедно со Гордана Внук. Музиката му беше доверена на Станко Јузбашиќ, сцената на Ивана Кнез, а костимите на Сузана Брезовец.
Раскошниот актерски ансамбл го предводи битолскиот актер Огнен Дранговски во улогата на Иларија Шалиќ, потоа Пашко Вукасовиќ како неговиот син Иља и Сузана Брезовец, која ја играше неговата сопруга Мара. Тука се и Ена Јагец , Франо Машковиќ, Борна Балетиќ, Лоренцо Раушевиќ, Синиша Милетиќ, Дамијан Хумски и други.Оваа претстава, како и во сите дела на Брезовец, допира неколку различни теми, а мотивите, заедно со нив, се борат за еднаков статус. Тука се поставуваат прашањата: Дали човечкиот живот е грев или грешка?Можеме или мораме? Дали ни е дозволено да ги сакаме нашите желби?
За осветлувањето беше задолжен Томислав Маглечиќ, звукот го направи Грегор Томљеновиќ, а уметничките интервенции се дело на Марта Црнобрња. Продуцент на претставата е Марко Миловац, а за техниката се погрижија Иван Сиротиќ Граф и Зоран Стојковски.
Ова не е прва соработка на Дранговски и Брезовец, имено се сеќаваме на претставата „Травничка Хроника“ на сцената на Битолскиот театар .
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
