По препорака од Вучиќ, сопственикот на ТВ Пинк најави дека ќе го укине реалното шоу „Задруга“

Сопственикот на телевизијата во објава на Твитер напиша дека оценката на претседателот на државата е поважна од интересот на ТВ Пинк и од неговиот личен интерес. Затоа, како што соопшти, донел одлука за укинување на реалното шоу „Задруга“ што е можно поскоро

Сопственикот на српската телевизија Пинк, Жељко Митровиќ, најави дека во наредните десетина дена ќе го откаже реалното шоу „Задруга“, кое се емитува на оваа телевизија. Ваквата одлука, како што соопшти Митовиќ, ја донел по препорака на претседателот на Србија, Александар Вучиќ.

Сопственикот на телевизијата во објава на Твитер напиша дека оценката на претседателот на државата е поважна од интересот на ТВ Пинк и од неговиот личен интерес.

„На препорака на претседателот на Србија, Александар Вучиќ, донесов одлука да ја откажам реалити програмата ‘Задруга’ што е можно поскоро, не подолго од десет дена. Верувам дека единството на Србија и оценката на претседателот се поважни од секаков вид на интерес на ТВ Пинк или мој личен интерес“,

напиша Жељко Митровиќ на Твитер.

Na preporuku Predsednika Republike Srbije Aleksandra Vučića, doneo sam odluku da u najkraćem mogućem roku, ne dužem od desetak dana, ukinem rijaliti program “Zadruga”. Verujem da je jedinstvo Srbije i procena Predsednika Republike, važnija od svake vrste interesa Pinka i mog… pic.twitter.com/D0fDRx8yMz

— Željko Mitrović (@zeljkomitrovic) May 25, 2023

Српските медиуми објавија дека претседателот Александар Вучиќ пред неколку дека изјавил дека во разговор со сопственикот на телевизијата Пинк го замолил да ја разгледа можноста за укинување на реалното шоу.

Укинување на реалити програмата „Задруга“ беше побарано и на масовните протести во Белград, кои беа организирани по двете масовни убиства кои овој месец се случија во Србија. Беа изработени и транспаренти со имиња на медиуми за кои демонстрантите кажаа оти промовираат говор на омраза и насилство.