По интензивните израелски напади избувнаа повеќе пожари во повеќе градовите во јужен Либан

БЕЈРУТ (АА) – Израелски воени авиони во саботата извршија серија воздушни напади врз јужен Либан, предизвикувајќи пожари во неколку градови, известува Анадолу.

Во соопштението на израелската војска се наведува дека борбените авиони извршиле нов бран воздушни напади врз цели на Хезболах во јужен Либан.

По израелските напади објавени се фотографии од пожари во јужните градови на Либан на социјалните мрежи.

Либанската државна Национална новинска агенција објави дека израелски воени авиони извршиле повеќе од 50 воздушни напади врз пограничните градови во јужен Либан.

Тензиите меѓу Израел и Хезболах се зголемија по почетокот на израелската смртоносна офанзива врз Појасот Газа, во која се убиени речиси 41.400 луѓе, главно жени и деца. Тие особено се интензивираа по експлозиите на пејџери и воки-токи (уреди за безжична комуникација) во Либан на 17 и 18 септември во кои загинаа 37 лица, а повеќе од 3.250 беа повредени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.