Пет лица каснати од кучиња за еден ден

Дури пет лица вчера во полиција пријавиле дека биле нападнати од кучиња скитници на различни локации низ Скопје.

Најпрво во 08.00 часот во Полициската станица Карпош, В.И.(76) од Скопје пријавила дека на ул.„Иван Цанкар“ била касната од куче скитник. 

Потоа во 10.30 часот во Полициската станица Аеродром, Д.З.(62) од Скопје пријавил дека на бул.„Јане Сандански“ бил каснат од куче скитник.

Следниот напад е регистриран во 12.10 часот во Полициската станица Аеродром, В.К.(71) од Скопје пријавил дека на ул.„Бојмија“ бил каснат од куче скитник.

Исто така, во 18.45 часот во Полициската станица Аеродром, А.М.(46) од Скопје пријавил дека на ул.„Тодор Чангов“ бил каснат од куче скитник.

Потоа во 19.30 часот во Полициската станица Центар, Ф.Р.(32) од Скопје пријавила дека во кругот на Комплекс клиники „Мајка Тереза“ била касната од куче скитник.