МОСКВА (АА) – Портпаролот на Кремљ, Дмитриј Песков, изјави дека турскиот претседател Реџеп Таип Ердоган и рускиот претседател Владимир Путин се сериозни политичари и луѓе од збор, јавува Анадолу.
Песков на прес-конференција во главниот град Москва зборуваше за односите меѓу Туркије и Русија.
Наведувајќи дека Ердоган и Путин не се занимаваат со популизам, Песков рече: „Путин и Ердоган се многу сериозни политички фигури со големо политичко искуство. Тие се и луѓе од збор.“
Истакнувајќи дека и двајцата лидери работат за доброто на своите народи, Песков додаде: „Што е најважно, тие се занимаваат со специфични, конкретни прашања поврзани со заемно корисни билатерални односи. Ова е важно за луѓето од овие две земји.“
Реагирајќи на ставот на Европската Унија за Договорот за жито, Песков рече дека генералниот секретар на Обединетите нации (ОН), Антонио Гутереш, се соочил со некои неконструктивни западни земји.
Нагласувајќи дека станува збор за неконструктивен став што го отежнува и спроведувањето на рускиот дел од Договорот за жито, Песков рече дека, сепак, контактите продолжуваат и ќе продолжат.
Извор: www.aa.com.tr
