Американската политика стана опседната со надворешните влијанија по приказните дека Русија се вмешала во нивните избори во 2016-та. Теза која досега неколкукратно е раскринкана со студии (види: Руското мешање во американските избори 2016 на Твитер немало никакви резултати), дури и од тинк-тенкови на Пентагон.
Истовремено, таа фама беше користена како маска за шпионирање свои граѓани, како во случајот со тинк-тенкот наречен „Алијанса за обезбедување демократија“, кој следел 600 Твитер сметки, наводно поврзани со „активности на руското влијание“ за кои се покажа дека се обични Американци, Канаѓани и Британци (види во: 279 лаги, за само една тема, од само еден медиум).
Таа опсесија го изнедри Законот за борба против странска пропаганда и дезинформации по кој Стејт Департментот го снова GEC (Global Engagement Center) чија улога е „да им контрира на странските дезинфомрации со јакнење на американската пропаганда.“
Есента 2017-та, ФБИ го формираше FITF (Foreign Influence Task Force). Во 2018-та, Департментот за внатрешна безбедност го создаде CGITF (Countering Foreign Influence Task Force) кои во 2021 беше надградени со тимови за дезинформации, како и FIIB (Foreign Influence and Interference Branch) а лани воспоставија и DGB (Disinformation Governance Board).
Малку е. Пентагон неодамна формирал „Канцеларија за менаџирање на влијанието и перцепцијата“ која ќе има ингеренции врз 4 слични тела само во Департментот за безбедност како и врз агенции со слични активности во ФБИ и Стејт Департментот.
Ако не беа доста кратенки, новата канцеларија ќе биде дел од новоформираниот FMIC, односно Foreign Malign Influence Center. Неговото формирање беше обелоденето дури после едно новинарско истражување на Интерсепт.
И покрај ваквата огромна мрежа за менаџирање на информации и дезинформации, по упадот на Трампистите во Капитол, некои американски сенатори тврдеа дека тој упад е дело на иранските служби.
ИЗВОР: off.net.mk
