Насилството во Ерусалим и во регионот „ја загрозува посакуваната клима на меѓусебна доверба и почит неопходни за продолжување на израелско-палестинскиот дијалог“, рече Папата во традиционалната велигденска порака „До градот и светот“ (Urbi et Orbi) пред околу 100.000 верници собрани на плоштадот Свети Петар.
Папата Франциск во својата велигденска порака денеска изрази „силна загриженост поради нападите во последните денови“ на Блискиот Исток, кои, според него, го загрозуваат дијалогот меѓу Израелците и Палестинците. Како и лани, така и годинава Папата посебно ја спомна војната во Украина и побара од меѓународната заедница да стави крај на оваа војна и на сите конфликти во светот.
„Да му помогнеме на саканиот украински народ и неговото патување кон мирот и светлината на Велигден да го осветли народот на Русија. Утеши ги ранетите и сите оние кои ги загубија своите најблиски поради војната, а затворениците нека се вратат дома и нека целата меѓународна заедница се труди да стави крај на војната и конфликтите на глобално ниво“,
рече Папата Франциск.
Во неговата порака, ги спомна и жртвите на разорните земјотреси кои ги погодија Туриција и Сирија во февруари, во кои загинаа над 55 000 лица и беше направена материјална штета во износ од стотици милијарди евра. Во својот говор, беа споменати и други земји каде што владее сиромаштија но и се помоли за жртвите на тероризмот во Нигерија, Мали, Мозамбик и Буркина Фасо.
Според грегоријанскиот календар, денеска е Велигден, а празникот го слават над 2 милиони католици и протестанти ширум светот.
Синоќа, велигденската богослужба во базиликата Св. Петар започна во темница, а потоа ентериерот на базиликата беше ненадејно осветлен, рефлектирајќи ги христијанските верувања дека Исус воскреснал откако бил распнат, а на тој начин доброто го победило злото.
Извор: 360stepeni.mk
