Намерата била клубот да се отвори, ни повеќе, ни помалку, во Аботабад, и за пакистански услови конзервативниот град кој своевремено беше избран од Осама Бин Ладен за скривалиште.
Во протечената апликација уапсениот тврди дека клубот ќе биде „одлична лагодност и ресурс за голем број хомосексуалци, бисексуалци, па дури и некои хетеросексуалци кои живеат во Аботабад, и во други делови од земјата.“
Во документот изричито е наведено дека во клубот ќе биде забранет и геј или не-геј секс, освен бакнување:
„На јасно видливо предупредување на ѕидот ќе пишува: забранет секс во клубот. Ова значи дека ниту едно законско ограничување нема да биде прекршено во клубот.“
Геј сексот е забранет во Пакистан и се казнува со затвор од 2 години до доживотна робија. За волја на вистината, кривично дело е и стрејт секс пред брак или покажување чувства во јавност. Самата покраина во која се наоѓа Аботабад го ограничува и пристапот на жени до образование или социјализирање надвор од нивните домови.
Дечкото е во психијатриска болница од 9 мај, а неговите пријатели не можат да го посетат, ниту добиваат какви било информации од болницата.
ИЗВОР: off.net.mk
