ИСЛАМАБАД (АА) – Во Пакистан досега загинаа 9, а повредени се над 160 лица како резултат на земјотресот со јачина од 6,5 степени што вчера се случи во авганистанското подрачје на Хиндикуш, пренесува Анадолу.
Според веста на ТВ-каналот „Гео њуз“, во пакистанската покраина Хајбер Пахтунхва, која се наоѓа на границата со Авганистан, бил почувствуван силен земјотрес.
Бројот на загинати низ Хајбер Пахтунхва изнесува 9, додека над 160 лица се повредени.
Се истакнува дека меѓу загинатите има 2 деца и 2 жени.
Досега во покраината се делумно оштетени 19 куќи.
Според соопштението на Центарот за геолошки истражувања на САД, епицентарот на земјотресот со јачина од 6,5 степени бил во местото Џурм при покраината Бадашах, која се наоѓа во североисточниот дел на Авганистан.
Земјотресот бил почувствуван и во повеќе подрачја во Пакистан, пред сè во главниот град Исламабад, Лахор, Равалпинди, Куета, Пешавер и бројни други градови.
Извор: www.aa.com.tr
