Претседателката Маја Санду ќе назначи нова влада, која потоа треба да биде одобрена од 101-члениот молдавски парламент
Владата на Молдавија падна откако прозападната премиерка Наталија Гаврилица поднесе оставка.
Падот на владата доаѓа по серијата кризи што ја зафатија земјата откако Русија ја нападна нејзината соседна земја Украина.
Гаврилица на прес-конференцијата рече дека „дојде време“ да ја објави својата оставка. Таа додаде дека никој не очекувал дека нејзината влада, избрана во летото 2021 година, „ќе мора да управува со толку многу кризи предизвикани од руската агресија во Украина“.
Нејзиното претседателствување со владата беше обележано со долга низа проблеми. Тие вклучуваат силна енергетска криза, неконтролирана инфлација, неколку вознемирувачки инциденти како што се ракетите од војната во соседна Украина кои летаа над воздушниот простор на земјата.
Претседателката Маја Санду ќе назначи нова влада, која потоа треба да биде одобрена од 101-члениот молдавски парламент.
Гаврилица ја презеде функцијата во август 2021 година, откако нејзината проевропска Партија за акција и солидарност освои мнозинство во парламентот со ветување дека ќе се бори против корупцијата.
Фото: EPA-EFE/OLIVIER HOSLET
Извор: 360stepeni.mk
