Најголем дел од корисниците имаат проблем со испраќање пораки
Популарната апликација за размена на пораки, Вибер, падна. Корисници од целиот свет пишуваат дека имаат проблеми со испраќањето пораки и со конекцијата.
На веб-страницата за следење на комуникацијата на интернет „Даун детектор“ (Down Detector) пишува дека првите пријави за проблеми со апликацијата пристигнале некаде по 20 часот вечерва, а најголем дел од корисниците имаат проблем со испраќање пораки.
Дека има проблеми со апликацијата пишуваат и медиумите во регионот, а во дискусијата на „Даун детектор“ може да се прочитаат коментари од корисници од Босна и Херцеговина, Флорида, Ерменија, Саудиска Арабија, Малдиви итн.
Извор: 360stepeni.mk
