реклама
Министерот за надворешни работи Бујар Османи денеска на Фејсбук им се заблагодари на сите шефови на делегации присутни на денешниот 30-ти Министерски совет на ОБСЕ.
– Не смееме да дозволиме механизмите на ОБСЕ, кои придонесуваат за подобрување на животот на многу луѓе, да останат неискористени поради нашата внатрешна неусогласеност. ОБСЕ е потребна за да го поттикне мултилатерализмот и да ја олесни соработката, за луѓето да живеат слободно. Затоа мора да одговориме на овој повик заедно, бидејќи тој не доаѓа од мене како актуелен Претседавач, туку од луѓето од регионот на ОБСЕ на кои им служиме, напиша Османи на неговиот фејсбук профил.
реклама
Додава дека му претставува особена чест што сме домаќини на 30-тиот Министерски совет на ОБСЕ и изразува надеж дека сите одговорно ќе пристапиме на тежината на моментот и заедно ќе разговараме за да обезбедиме иднина за ОБСЕ.
– На сите делегати и гости им посакувам успешна работа и смели одлуки, објави министерот Османи.
реклама
