Моќната сестра на севернокорејскиот лидер Ким Џонг-ун предупреди дека новиот договор меѓу САД и Јужна Кореја ќе доведе до „сериозна опасност“
Ким Јо-џонг порача дека севернокорејската стратегија на нуклеарно одвраќање „треба да се доведе до совршенство“. Изјавата следи откако САД се согласија да распоредат нуклеарни подморници во Јужна Кореја и да го вклучат Сеул во нуклеарното планирање како одговор на нуклеарните закани од северниот сосед. Истовремено, Јужна Кореја се согласи да не развива сопствено нуклеарно оружје.
Договорот, познат како Вашингтонска декларација, беше објавен оваа недела за време на разговорите на претседателот Џо Бајден со неговиот јужнокорејски колега.
„Колку повеќе непријателите се позиционирани на вежби за нуклеарна војна и колку повеќе нуклеарни средства распоредуваат во близина на Корејскиот полуостров, толку посилно ќе го оствариме нашето право на самоодбрана“,
изјавила Ким Јо-џонг, пренесуваат севернокорејските државни медиуми.
Пораките, според аналитичарите, не треба да се отфрлаат зашто Ким Јо-џонг има висока позиција во Централниот комитет на Работничката партија на Северна Кореја, и најблизок соработник на нејзиниот брат, лидерот на земјата.
Во јавната дебата се вклучи и Кина која предупредува на оапсноста од „намерно поттикнување тензии, предизвикување конфронтација и играње на картата на закани“.
Според договорот, кој донесе нови тензии на полуостровот, САД повидиливо ќе застаната во одбрана на Јужна Кореја со испраќање на подморница вооружена со нуклеарни проектили во регионот прв пат по 40 години.
Извор: 360stepeni.mk
