Деновиве се изврши комплетно уредување на просторот пред Домот на култура во централниот дел на населеното место Бујковци, информира градоначалникот на општина Илинден, Александар Георгиевски.
Изградено е ново детско игралиште каде се поставени детски реквизити, нишалки и лизгалки, клупа како и канти за отпадоци кои ќе придонесат да имаме почиста и поубава средина.
звршена е целосна реконструкција на игралиштето за кошарка, каде се поставени две нови табли, извршено е комплетно партерно уредување како и целосно оградување на просторот.
Во наредниот период Општина Илинден ќе продолжи со изградба и реконструкција на детските игралишта и игралишта за спортување и во останатите населени места, со цел да се добие уреден простор за рекреација и забава на најмладите во општината.
ИЗВОР: skopjeinfo.mk
