Општина Аеродром: Учениците вратени на настава по утринските дојави за бомби, повикуваме на смиреност

Од Општина Аеродром се огласија по повод дојавите за бомби во неколку училишта низ општината утрово. Од таму нагласуваат дека МВР излегле на терен и извриле контроли, по кои учениците биле вратени на настава.

„По утринските дојави за бомби во шест основни училишта во Општина Аеродром, тимови на МВР веднаш излегоа на терен и по извршените контроли учениците се веќе вратени на настава.

По дојавите, беше постапено согласно протоколите што се преземаат во вакви ситуации, а децата беа безбедно евакуирани.

Повикуваме на смиреност кај родителите, учениците и наставниот кадар“, велат од Општина Аеродром.