ПАРИЗ (АА) – Околу 40 отсто од бензинските пумпи во регионот Ил-де-Франс, кој го вклучува и главниот град Париз, се соочуваат со недостиг на гориво поради штрајкот на работниците во рафинериите во Франција, пренесува Анадолу.
Како што наведува француски „Фигаро“, штрајковите во многу рафинерии продолжуваат поради контроверзната реформа што предвидува продолжување на старосната граница за пензионирање за две години во земјата.
Во моментов во тек се штрајкови на околу 200 локации низ земјата, а пред некои бензински пумпи се формирани долги колони возила.
Околу 40 отсто од бензинските пумпи во регионот Ил-де-Франс се соочуваат со недостиг на бензин, што е околу 10 отсто од бензинските пумпи во целата земја.
Техничките проблеми во некои рафинерии дополнително го отежнаа снабдувањето со гориво.
Извор: www.aa.com.tr
