Денеска започна украсувањето во Охрид кое Општината ќе ја чини 1,400.000 денари. Дел од граѓаните сметаат дека како главен туристички центар празничното декорирање требало да започне и порано а други пак дека е на време и дека не треба многу да се троши.
Младите се за тоа дека градот треба и повеќе да се украсува по примерот на други туристички центри.
Од општината велат дека за украсувањето со цел да заштедат ќе користат и стари реквизити. За празниците најавуваат богата програма која ќе привлече голем број туристи.
“Градот ќе понуди привлечна новогодишна програма со богата содржина за децата, младите и возрасните. Истата е предвидено да се реализира во деновите пред и по дочекот на Новата Година, се до 14 јануари. Предвидена е богата музичка програма со познати естрадни уметници кои ќе ги забавуваат охриѓани и гостите за дочек на Новата Година на градскиот плоштад „Св. Климент Охридски“.
Резервациите кај сместувачките капацитети почнуваат од 25 декември, а за овој продолжен празничен викенд интересот за гостување на охридската ривиера е слаб.
Извор: 24vesti.mk
